Trayekto di
bakunashon

Bo ta kla pa risibí e bakuna?

  • E bakuna ta GRÁTIS
  • E bakuna NO ta obligatorio

Aktualmente na Kòrsou nos ta usa BioNTech/Pfizer pa grupo menor di 18 aña i Moderna pa demas habitante.

A kuminsá e trayekto di bakunashon na Kòrsou, djárason 24 di febrüari 2021 i lo sigui bakuná komunidat te dia mester.

Durante e trayekto di bakunashon lo hasi uso di diferente lokalidat komo Sentro di Bakunashon. Aktualmente ta bakuná solamente na SEHOS-POLI, ku sita òf komo ‘walk-in’.

Sentro di Bakunashon:

SEHOS-POLI | aktivo
Ta bakuná 4 dia pa siman Orario: 8:30’or di mainta pa 5:30’or di atardi. Fecha di apertura: 24 di febrüari 2021

Bakuna den Bario
– Bùs di bakunashon móbil ADC – Bùs di bakunashon móbil LabdeMed Fecha i orario segun planifikashon ku ta keda kompartí via kanalnan ofisial di Gobièrnu di Kòrsou i bo media preferí

Ken ta risibí bakuna promé:
Promé trayekto (for di 24 di febrüari 2021):
– Tur persona di 60+ aña – Personal di kuido ku ta traha direktamente ku pashènt.

Di dos trayekto (for di medio mart):
– Persona di 18+ ku malesa króniko
– Personal den funshonnan vital

Di tres trayekto (for di 5 di aprel):
– Tur persona di 18+

Ku eksepshon di:
– Damanan na estado
– Persona ku alergia severo pa un di e komponentenan den e bakuna

Di kuater trayekto (for di 17 di mei):
– Damanan na estado
– Persona di 16 pa 18 aña den grupo di riesgo

Tur persona bou di 18 aña ta risibí BioNTech/Pfizer.

Personanan ku e siguiente kondishonnan tambe por haña e bakuna:
– Asma
– Diabetes
– Obesidat
– Preshon haltu
– Malesa króniko
– Ta dialisá
– Problema ku kolesteròl
– Ta bebe remedi pa hasi sanger delegá (“antistolling medicatie”)

Ken no por haña e bakuna kontra COVID-19:
Personanan ku tin alergia severo pa un di e komponentenan den e bakuna.

Bo tin kualke pregunta òf bo tin duda? Kòmbersá ku bo dòkter di kas.

Lokalidat pa bakuná:
Tin siguiente lokalidatnan pa bakuná:

SEHOS-POLI
Ta bakuná 4 dia pa siman Orario: 8:30’or di mainta pa 5:30’or di atardi. Djamars i djabièrnè ta bakuná ku Moderna i djárason i djasabra ta bakuná ku Pfizer.
Fecha di apertura: 24 di febrüari 2021

Kon ta registrá pa bakuná:

Por yama 9345 pa informashon i registro pa bakuná òf por klek akí pa bai na e portal digital pa registrá

Helpdesk 9345 ta aksesibel: di djaluna pa djasabra di 8’or di mainta nòn-stòp te 5’or di atardi. Yamada ta grátis!

Karchi di bakuna
Definishon di persona kompletamente bakuná

Un persona ta keda konsiderá di ta kompletamente bakuná si den su karchi di bakunashon tin: Dos (2) steker di bakunashon huntu ku badgenummer i paraf di GMN òf Un (1) steker di bakunashon huntu ku badgenummer i paraf di GMN; adishonalmente e persona akí tin un anotashon ku ta indiká ku e ta kompletamente bakuná debí na un infekshon resien di COVID-19.

© 2021 BIBANDO | Gobièrnu di Kòrsou | Privacy Policy | Cookie Policy