Preguntanan
mas hasí

Hopi ta esnan ku ta haña informashon tokante coronavirus for di entre otro internèt, retnan sosial i otro fuentenan di media. Informashon ta plama masha lihé i tin biaha no tin muchu tempu pa kontrolá si e informashon akí ta kuadra. No ta tur kos ku bo lesa òf tende ta bèrdat. Tin informashon ku ta basá simplemente riba opinion i suposishon ku den sierto kaso por zona masha konvisente. Meskos ta e kaso riba e tema di e bakunanan kontra corona.

Preguntanan general:

E bakunanan kontra COVID-19 ta kompletamente seif, apesar di e echo ku a desaroyá esaki mas lihé ku un bakuna konvenshonal. Mundialmente investigadónan a uni forsa pa desaroyo di e bakunanan aki sosodé na un manera seif. Diferente di e fasenan di investigashon i desaroyo di e bakunanan, a tuma lugá na mes momentu enbes di warda pa hasi kada fase despues di e otro. Di e manera akí, investigadónan a gana masha hopi tempu. Huntu ku esaki, esnan ku mester evaluá e bakuna su seguridat i efektividat a kuminsá hasi esaki for di meimei di e proseso. Tur esaki, a sosodé kuidadosamente, teniendo kuenta ku tur e eksigensianan estrikto ku tur bakuna mester kumpli kuné. 

Nò, e bakunanan aki ta kontené un komponente ku yama mRNA. E molekülnan di mRNa den e bakuna no por kambia e DNA di un persona. Tur infekshon pa medio di un vírùs, outomátikamente ta laga un persona ku e molekülnan di mRNa den su kurpa, por ehèmpel e vírùs di grip. A base di e molekülnan akí, bo kurpa ta bai traha e proteinanan nesesario. Ku e proteinanan aki bo ta produsí antikurpa i e loke médikonan konosé komo ‘T-cellen’ lokual simplemente ta sélulanan ku ta yuda den bo sistema imunológiko. E proseso aki ta loke ta yuda un persona kura di por ehèmpel un grip. E mRNa den e bakunanan di BioNTech/Pfizer i Moderna ta duna bo kurpa e informashon tokante un proteina partikularmente den e Coronavírùs aki. Esaki yama, e proteina di ‘spike’. E sélulanan den bo kurpa ta bai produsí e proteina akí i bo kurpa ta traha e antikurpa i ‘T-cellen’ kontra COVID-19. Si despues di e bakuna bo bini den kontakto ku e vírùs, e antikurpa i e ‘T-cellen’ ku bo kurpa a produsí, ta yuda protehá bo kurpa i e chèns ku bo ta bira malu ta mashá chikí. Bo kurpa mes ta sòru di deshasí di e molekülnan di mRNA di forma natural i esakinan no ta kambia bo DNA.

Nò, e bakunanan kontra COVID-19 no tin influensia riba un persona su fertilidat. Despues di risibí e bakuna, bo ta mesun fértil ku promé. Na promé instante no tabata bakuná personanan na estado, komo ku no tabatin investigashon hasí den e grupo aki. Awor ku tin mas investigashon hasí, personanan na estado tambe ta bini na remarke pa bakuná.

Pa e bakunanan kontra COVID-19, ta konta e mesun eksigensianan estrikto ku kualke otro bakuna. Fabrikante di e bakunanan kontra COVID-19 mester kumpli ku mesun pasonan ku otro bakunanan pa por a risibí aprobashon i sertifikashon pa e bakunanan por a  subi merkado. Meskos ku tur bakuna nobo, mester a tèst e bakunanan kontra COVID-19 riba 10 mil persona promé ku esaki a subi merkado.

E Agensia Oropeo di Medisina (EMA) huntu ku ‘College ter Beoordeling van Geneesmiddelen (CBG)’ ta evaluá tur bakuna riba su funshonamentu, kalidat i seguridat. Ku esaki pues, nos sa ku e bakunanan kontra COVID-19 ta seif i ku nan ta protehá nos debidamente kontra di e vírùs.

Ainda ta investigá kon largu e bakunanan ta protehá nos. Meskos ku ta e kaso serka tur otro remedi i bakuna, semper tin riesgo di posibel efektonan sekundario. Pero efektonan sekundario grave komo konsekuensia di un bakuna, no ta kos ku ta sosodé ku masha frekuensia.

Nò, no tin un relashon entre bakunashon i outismo. Personanan ku ta oponé na bakunashon hopi biaha ta hasi menshon di un artíkulo di aña 1998 di e médiko ingles Andrew Wakefield. Den e artíkulo akí, e médiko a pone un relashon entre outismo i e bakuna kontra sarampi. Hopi lihé despues di publikashon di e artíkulo akí, a sali na kla ku e estudio akí tabata froudulento i pues a hala e deklarashonnan bèk aden. Dor di esaki, Andrew Wakefield a asta hañ’é ta entregá su título komo médiko. Pues e konklushonnan den e artíkulo aki no tabata kuadra. Sinembargo e storia aki lamentablemente ta keda lanta kabes. E Asosiashon Hulandes di Outismo ta distansiá su mes for di un presunto relashon entre outismo i bakunashon.

E bakunanan:

E bakunanan di BioNTech/Pfizer i Moderna tin mas ku 90% di efektividat den prevenshon di malesa dor di e vírùs di corona. E bakunanan akí a demostrá tambe di ta masha efektivo serka adultonan di 65+; defakto nos ta papia aki di mas ku 94% di efektividat. Personanan ku tòg a haña COVID-19 despues di a risibí e bakunashon, no a bira hopi malu tampoko.

Esaki sientífikonan no sa ainda. Dor ku e bakunanan ta nobo, no tin sufisiente informashon riba esaki ainda.

Funshonamentu:

Sí, esaki ta posibel. E bakunanan ta funshoná, pero ta dura un ratu promé ku bo kurpa traha sufisiente antikuerpo kontra e vírùs di Corona. Na total, bo ta risibí dos bakuna. Mas ku 90% di personanan ku risibí ámbos bakuna ta bon protehá dentro di 7 dia despues di a risibí e di 2 dosis. Si bo a keda infektá ku e vírùs djis promé òf despues di a risibí e bakuna, bo por bira malu ainda. E chèns ku bo ta bira malu despues di e promé bakuna ta masha chikí, pero e tei. P’esei, ta hopi importante pa bo risibí tur 2 bakuna. Mas ku klaro, ta keda importante tambe, pa bo laga tèst si akaso bo ta sinti kualke síntoma ku por ta relatá na COVID-19.

E bakuna ta duna protekshon kontra COVID-19. Ainda sientífikonan ta evaluá si un persona ku ya ta bakuná tòg por infektá otronan ku e vírùs. Miéntras ta investigá esaki mas profundo, ta bon pa tur persona sigui mantené nan mes na tur medida di prekoushon stipulá.

Si, e bakunanan ta efektivo kontra e mutashonnan aktual tambe. Ta masha normal ku un vírùs por kambia. Ora un vírùs kambia, no ta nifiká mesora ku e bakunanan disponibel no ta funshoná mas. Mayoria bia, e kambionan den e vírùs ta mashá chikí. Te ku awor, no tin niun indikashon ku e bakunanan no ta protehá kontra e mutashonnan nobo di COVID-19, manera por ehèmpel e mutashon Britániko. Mundialmente, paisnan ta sigui vigilá e efektividat di e bakunanan aktual kontra mutashonnan nobo di e vírùs.

Efektonan sekundario:

E efektonan sekundario mas frekuente ta, un poko doló na e área kaminda bo a risibí e bakuna i kisas e área akí por hincha un tiki. Tin hende por sinti un poko kansansio, doló di kabes, doló di múskulo, un poko kalafriu, doló di bo skarnirnan di wesu i keintura.
Den mayoria kaso, e dolónan aki ta leve te moderá i ta disparsé denter di algun dia despues ku bo a risibí e bakuna.

Efektonan sekundario leve ta masha komun despues ku un persona risibí kualke bakuna. Den mayoria kaso nan ta kuminsá 2 dia despues di bakunashon i hopi biaha nan ta disparsé tambe di nan mes. Bo por bebe un Paracetamol pa aliviá e kehonan un poko, pero den e kaso akí no bebe mas di loke tin indiká riba e instrukshonnan di e Paracetamol. Si tòg bo tin kualke preokupashon, tuma kontakto ku bo dòkter di kas.
Tuma nota ku efektonan sekundario no mester ta un motibu pa bo keda sin tuma e di dos bakuna.

Malesa i uso di remedi:

Si bo tin síntomanan ku por ta relatá na COVID-19, keda kas i laga tèst bo mes. No sali bini na e lokalidat kaminda ta bakuná. Traha un sita nobo pa bo risibí e bakuna.

Si bo a tèst positivo pa COVID-19, bo mester keda kas den isolashon te na momento ku bo no ta kontagioso mas. Esaki ta nifiká pues, ku bo no por risibí e bakuna ainda.
Ta bon pa bo warda mínimo 4 siman despues ku bo a sinti síntoma, pa risibí e bakuna.

Mayoria remedi no tin efekto riba e bakunanan. Sinembargo, tin algun eksepshon manera por ehèmpel produktonan pa hasi sanger delegá òf remedinan ku tin influensia riba bo sistema di defensa.
Si un dòkter preskribí kualke remedi p’abo despues ku bo a risibí e bakuna, lag’é sa ku bo a tuma bakuna kontra COVID-19. Si ta nesesario, e dòkter e ora ei por tene kuenta ki remedi e ta preskribí.

Embaraso:

For di estudionan no tin niun indikashon ku e bakuna kontra Corona por tin konsekuensianan dañino durante embaraso.

Bo tin kualke problema di salú ku por kousa ku bo ta bira hopi malu si bo keda infektá pa e vírùs di Corona? Den e kaso ei, e bentahanan pa bakuná tòg durante embaraso kisas por ta mas haltu ku e desbentahanan (teorétiko). Den e kaso akí, papia ku bo dòkter si akaso tòg bakuná durante bo embaraso ta un mihó eskoho pa abo i bo bebi.

 

Klaro, esei por. No tin niun indikashon ku e komponentenan di e bakuna ta bini den kontakto ku e lechi di mama i afektá e bebi di un manera òf otro.

© 2021 BIBANDO | Gobièrnu di Kòrsou | Privacy Policy | Cookie Policy